25 noviembre 2009

Safira de Wit Miss Universe Curaçao 2010!

 http://www.curacaovacations.mobi/curacao-pictures/curacao-flag/curacao-flag-01.jpg




Safira de Wit Miss Universe Curaçao 2010! 


Twenty year-old Safira de Wit won the 2010 Miss Curacao Universe beauty competition and will represent the island of Curacao at the Miss Universe 2010 pageant. The runner ups were Hayley Canword (1st) and Erica Sample (2nd).

Den un sala dilanti di un multitut grandi partisipante number 9 Safira de Wit a wòrdu koroná komo Miss Universe Curaçao 2010!

E show a kana bon, kaminda a kuminsá ku un apertura espektakular ku D'Art huntu ku e partisipantenan riba un stage tur na efektonan di kandela i usando e kansion di 911!

Den e di dos presentashon, e partisipantenan a sali den trahe di baño kolorido i den e di tres presentashon a lusi e trahenan di gala di mas espektakular!

Despues di e presentashon a selekshoná e kuater finalistanan ku a sigui den e ronda di pregunta, durante kua nan mester a mustra si nan por kontestá e preguntanan ku a wòrdu prepará pa un grupo spesial.

Na final, huradonan mester a mira e partisipantenan pa último biaha, pa asina por duna e bista internashonal di esun ku lo representá Kòrsou na e pais ku Miss Universe lo designá na desèmber próksimo.

E anochi a konta ku artistanan ku sigur sigur a hasi e anochi bira un anochi pa risibí nos Reina ku tabata Qushanick Thode i Ilvia Justina, kendenan a ser kompañá pa e Grupo di Baile di Korsou D'ART!

Resultado Preliminar di e anochi aki tabata lo siguiente:

Miss Fotogénika i Miss Amistat: Luz Marina Fidanque; Miss Internet: Erica Sample; Mas Disipliná, Mas Dinámiko i Mas Elegante a bai pa Safira De Wit.

Resultado Final:

Terser Finalista: Chanty Lamp, Segunda Finalista: Erica Sample, Promé Finalista: Hayley Canword i Miss Universe Curaçao 2010 Safira De Wit.

Importante pa remarká ku e sorpresa di anochi tabata ora ku Presidente di Curaçao Beauty Organization a revelá ku e aña aki nos Miss Universe Curaçao 2010 lo wòrdu prepará pa sra. Magali Febles, kende ta un señora ku tin un trayektoria.